Sulu mahardika siya?

Sulu Tattap siya Mahardika?

Jawab: Pasalan in Sulu wala' nasakup sin Kastila, Milikan iban Jipun. Luba' labi na in Filipino ha waktu bihaun. Masi-masi in Tausug nagbabaug sin Hula, Bangsa Iban Agama nila.

Pangasubu: Mayta kaw nakaiyan wala nasakup sin Kastila, Milikan iban sin Jipun in Sulu?

Jawab: Sabab minig sadja in Kastila wala nila naraug in Tausug nagbunu. Liyamud nila diyagang in Sulu pa Milikan ha parjanjian nila "Treaty of Paris" ha waktu nagtukbak sin Pilipinas. In Sulu bukun lamud ha Pilipinas. Iban in Sultaniyah sin Sulu aun parjanjian iban sin Milikan "Kiram-Bates Treaty", saridi, in Sulu hambuuk hula' limayah sin wala' simampay pa pasisilan sin Sulu in Kastila.

Pangasubu: Na mayta nakalamud bihaun in Sulu pa laum sin Pilipinas?

Jawab: Ha waktu in Milikan nagdihil kamahardikaan ha Pilipinas sin petsa 4 sin Julai 1946 tahun liyamud nila na isab in Sulu bilang agad ha Pilipinas. Wala' da isab in Sulu nasakup sin Milikan. In tanda niya aun piyagjanjian sin Milikan iban Sulu bilang hula' iban sin hula'. Sari'di' Mahardika' iban Limayah in Sulu sambil pa bihaun. Matampal nagdupang in Milikan.
Pa katan sin magbabassa bang aun hika ganap jawab sin manga pangasubu yaun anduh tabang kamu jawab ha supaya natu' kaingatan tud bang mayta in hula' Sulu masi-masi iban tattap siya mahardika'.